BELANGEL, 22 PTS + 7 AST SA KBL! PATULOY ANG MALAKING PAPEL SA DAEGU
Photo: KBL
Patuloy na nagpapakita ng malaking responsibilidad si SJ Belangel para sa Daegu KOGAS Pegasus sa Korean Basketball League matapos kumamada ng 22 points at 7 assists kontra Seoul Samsung Thunders nitong October 25.
Sa loob ng mahigit 36 minuto, nagtala ang Filipino guard ng 22 points, 7 assists at 3 rebounds. Tumira siya ng 8-of-21 mula sa field at halos perpekto sa free-throw line sa 6-of-7 shooting.
Hindi man pumasok ang kanyang mga tira mula sa three-point range, nanatiling agresibo si Belangel at naging isa sa pangunahing pinanggalingan ng opensa ng KOGAS.
Dikdikan ang laban sa unang dalawang quarters.
Nakuha pa ng Daegu ang 39–38 advantage sa halftime, ngunit nagbago ang takbo ng laro sa third quarter nang higpitan ng Samsung ang depensa at limitahan ang KOGAS sa siyam na puntos sa period.
Sinubukan pang buhayin ni Belangel at ng KOGAS ang kanilang paghabol sa fourth quarter. Nakagawa ang Pinoy guard ng mabilis na basket sa closing minutes upang paliitin ang lamang, pero nakahanap ng sagot ang Samsung at tuluyang isinara ang laro, 76–68.
Bukod kay Belangel, nanguna para sa KOGAS si Kebe Aluma na nagtapos na may 24 points at 11 rebounds.
Sa kabilang panig, kumamada si Kerem Kanter ng 23 points at 9 rebounds para tulungan ang Samsung na manatiling walang talo sa 8–0 at itabla ang KBL record para sa pinakamaraming sunod na panalo sa pagsisimula ng season.
Bumaba naman sa 3–5 ang record ng Daegu KOGAS.
MAGANDANG BOUNCE-BACK PARA KAY BELANGEL
Mas kapansin-pansin ang performance ni Belangel dahil galing siya sa apat na puntos lamang kontra Wonju DB noong October 19.
Bago iyon, mayroon siyang 18 points at 7 assists sa panalo kontra Changwon LG at 20 points at 5 assists sa panalo laban sa Ulsan Hyundai Mobis.
Sa kasalukuyang season, patuloy siyang may mahalagang papel bilang isa sa pangunahing ball-handlers at creators ng Daegu.
At para sa Philippine basketball fans, magandang development ito habang patuloy na minomonitor ang mga Filipino players na naglalaro overseas.
Hindi lamang scoring ang naibibigay ni Belangel. Ang kanyang playmaking at malaking responsibilidad sa KBL ay mahalagang bahagi ng kanyang patuloy na development—lalo na sa usapin ng lalim ng guard rotation na maaaring pagpilian ng Gilas Pilipinas sa hinaharap.
Bagama't hindi nakuha ng Daegu ang panalo, malinaw ang mensahe mula sa performance ng Pinoy guard:
SJ Belangel continues to make his presence felt in Korea.
CROSSOVERPH | Philippine Basketball